Opningstider i jula

I jula har vi litt reduserte opningstider.

Vi har opent:

Torsdag 27. desember: 11-15
Fredag 28. desember: 11-15
Laurdag 29. desember: 11-15

Første opningsdag etter jul er onsdag 2. januar til vanleg tid.

Vi vil ønskje alle ei riktig god jul og eit godt nyttår!

Nordaustpassasjen

Kulde og varme – fortid og framtid

Romanen 'Nordaustpassasjen', skriven av Kjartan Fløgstad, spenner over eit langt tidsrom og handlinga flytter seg rundt omkring på vår planet, frå nord til sør, og frå aust til vest. Lesaren vert mellom anna teke med til Hillevåg i Stavanger, Dudinka i Sibir, Wroclaw i Polen og Veracruz i Mexico. Med denne romanen vart Fløgstad nominert til Brage-prisen i skjønnlitteratur i år.

Forteljaren, eg-personen i romanen, er forfattaren Kjell Kistefjell som lever i ei nær framtid kor USA har brote saman, delt opp i fleire ulike statar, og Oslo har bytta namn til Thonby. Kistefjell får eit nytt og annleis jobbtilbod som tek han på ei lang reise som endar opp i Mexico.

Kistefjell er oppteken med å finne ut lagnaden til to brør som vart evakuert ut av Spania på slutten av den spanske borgarkrigen. Brørne Augustín og Epifanio Neander hamna på to heilt ulike plassar, den eine i Mexico og den andre i Sovjetunionen. Kistefjell møtte den eine av desse brørne då han som ung mann gjorde ein liten gjesteopptreden innan spaghetti-westernfilmindustrien som hadde sin base i Spania under Franco.

Fløgstad dyttar inn mykje nyare historie, samt egne erfaringar som sjømann, i denne boka. Fletta inn i handlinga kjem Fløgstad òg med synspunkt på og tankar rundt den politiske utviklinga i verda, kommersialiseringa av massemedia, den pågåande økonomiske krisa, dei store ideologiane på 1900-talet, terroråtaka 22. juli 2011 og mykje anna. Alt saman gjennom  forteljarpersonen Kjell Kistefjell.

Forteljnga er pakka inn i ein levande, og til tider intens, nynorsk språkdrakt. Her er det mykje detaljerte skildringar, ordspel, språklege bilete og tankerekkjer.

 'Nordaustpassasjen' er ei spesiell bok, som ein ikkje gløymer etter å ha lest den.

 

Sjå om boka er inne

The Lady

Stålorkideen

 

I den fransk-britiske filmen 'The Lady' får vi eit glimt av det langvarige og valdelege styret til militærdiktaturet i Burma. Handlinga i Luc Besson sin filmatisering av livet til Aung San Suu Kyi (født i 1945) tek til når faren hennar vert drepen under eit statskupp i 1947, og fram til dei store munkeprotestane i 2007 og tida rett før det vart halde eit val på nokre av parlamentsetene i Burma.

 Det er skodespelaren Michelle Yeoh som spelar Aung San Suu Kyi, kvinna som drog tilbake til sitt fødeland og vart leiar for partiet National League for Democracy, og difor etter kvart vert både ein samvitsfange og mottakar av Nobel sin fredspris. Yeoh har tidlegare mellom anna spela i filmen

Snikende Tiger, Skjult Drage (2000).

 Aung San Suu Kyi sin far vart drepen då ho var ei lita jente. Etter å ha gifta seg med Michael Aris (spele av David Thewlis), vorte mor til to søner (spele av Jonathan Raggett og Jonathan Woodhouse) og har budd mange år i Storbritannia, kjem Aung San Suu Kyi tilbake til eit Burma kor motstanden mot den regjerande militærjuntaen er aukande. Sentrale opposisjonelle tek kontakt med henne, og ønskjer at ho tar på seg ei leiarrolle i kampen mot militærdiktaturet, på grunn av at faren hennar har heltestatus i store deler av det burmesiske folket.

Ho vert leiar av organisasjonen National League for Democracy, som byggjer sin motstand mot militærdiktaturet i Burma på Gandhi sin modell for ikkje-vald. Av frykt for at Aung San Suu Kyi skal få den same nasjonale heltestatusen som hennar far, vel militærjuntaen å ikkje drepe henne. Aung San Suu Kyi vert i staden for sett under husarrest.

Filmen skil godt korleis Suu Kyi må velje mellom den politiske kampen og det å få vere saman med sin familie, og den smerta som kjem av splittinga av familien, både for Suu Kyi og for dei som held fram med liva sine i England. Alle skodespelarane gjer ein god jobb. Luc Besson teiknar eit truverdig bilete av militærdiktaturet i Burma, og opposisjonen leia av National League for Democracy. I tillegg kan denne filmen by på mykje vakker filming, som mellom anna tar sikte på å syne den spesielle naturen i Burma. For dei som ønskjer å få eit innblikk i livet til Aung San Suu Kyi, så er denne 2 t og 12 min lange filmen absolutt verdt å sjå.

Finn filmen i websøk

Sterk roman om diktaturet i Argentina

Perla – Carolina de Roberts

Frå forlaget:

En ung argentinsk kvinne gjør en sjokkerende oppdagelse om sin familiebakgrunn ved hjelp av en ubedt gjest. Under Argentinas "skitne krig", som varte fra 1976 til 1983, "forsvant" 30 000 borgere, inkludert rundt 500 gravide kvinner hvis nyfødte barn ble gitt til militære familier. Perla Correa er vokst opp med en iskald mor og en stiv marineoffiser av en far som hun forguder, men hvis yrke bringer skam over familien i tiden etter diktaturet. Da hun får uventet besøk av en fremmed mann, får hun gradvis en forståelse av sin egen rolle i den skitne krigens tragedie.

Carolina de Robertis debuterte med boka Det usynlige fjellet i 2009. Ei bok som låg på bestselgarlistene i fleire land og fekk veldig gode kritikkar. I år kom altså oppfølgjaren, Perla. Dersom ein kan litt om latinamerikansk historie frå før kan ein ane at dette kan bli ei litt vond bok å lese, fordi det hovudpersonen opplever i boka er det mange i Argentina som har opplevd.

Reint litterært er boka veldig godt skriven, men det er først og fremst historia som gjer at eg anbefalar boka. Sjølv om ein anar litt av det som har skjedd i fortida til både Perla og den framande mannen som dukker opp, så er det mange ting som er uavklarte og som ein ønskjer å finne ut meir om. Vi kjem heile tida tilbake til Perla sin oppvekst med ein far som støtta diktaturet og vener som jobba for demokratiet. Møtet med den framande mannen gjer at alt kjem til overflata att. Den framande har også si eiga historie som etterkvart blir avslørt. Personleg synest eg hans bakgrunnshistorie er den mest interessante delen av boka.

Dette er ei bok som både gjer at ein får lyst til å vite meir om argentinsk historie samtidig som ein blir spent på Carolina de Robertis sitt nye bokprosjekt. Det er definitivt verdt å vente på!

Finn boka i websøk

Syndefall

Forfattar: Paal Pettersen

Frå forlaget:
Julen 2010 blir Oslo hjemsøkt av en seriemorder som ikke eksisterer. Etterforskeren Jeremias Jensen blir satt på saken sammen med sin indiske kollega, Dharrie Maharaj. Politiet har få spor å gå etter, men gjerningsmannen har skrevet bibelsitater i blodet på åstedene. Jeremias får hjelp av den gamle psykologiprofessoren Roman Atterdag, en gammel venn av familien. Til tross for advarsler og pålegg fra ledelsen om å ikke samarbeide med Atterdag, som ble sparket ut av politiet på grunn av kriminelle handlinger, klarer Jeremias med hans hjelp å forstå bedre hvem morderen som pressen har kalt ”Mannen med ljåen” er.

Syndefall er ein spanande thriller som godt kan måle seg med populære krim-forfattarar som Jo Nesbø og Jørn Lier Horst. Det er ei bok med grusomme drap og ein del blod, så kanskje ikkje ei bok for mørkredde sjeler. Paal Marius Pettersen er 39 år gammel. Han er lektor og statsviter og underviser i psykologi og kunnskapsteori. Syndefall er debutromanen til Pettersen.

Eit problem med denne boka kan vere at det er såpass kort mellom dødpunkta at det går med mykje tid på lesing. Spanande bøker er vanskeleg å legge i frå seg. Dermed kan det gå ut over freden i heimen...

Jakthundene

Forfattar: Jørn Lier Horst

Frå forlaget:
William Wisting suspenderes og settes selv under etterforskning mistenkt for å ha fabrikkert bevis. Han var etterforskningsleder i en av landets mest medieomtalte straffesaker, da unge Cecilia Linde ble drept. Nå, 17 år senere, har det kommet for en dag at bevisene som felte gjerningsmannen var forfalsket. Mediene værer nytt blod.
Wisting har brukt hele sitt yrkesliv på å jakte på forbrytere. Nå er det han som er byttet, og han må arbeide på egen hånd og i skjul for å finne ut hvem av deres egne som konstruerte det falske beviset, og hva som egentlig skjedde den gangen. Han får hjelp av journalistdatteren Line, men også fra svært uventet hold. Så forsvinner en ny, ung kvinne. Det blir starten på et nervepirrende kappløp.

Her er ei ny og spanande bok frå krimforfattar og politietterforskar Jørn Lier Horst. For si førre bok om kriminaletterforskar William Wisting, "Vinterstengt" frå 2011 fekk Lier Horst Bokhandlerprisen. "Jakthundene" er minst like intens og spanande - noko som også kjem godt fram i anmeldelsane av boka; "Jakthundene" får rikeleg med terningkast 5 og 6 frå norske anmeldarar. Også lesarane likar det dei ser; etter ei veke er boka inne på toppen av bestselgarlista.

På forlaget si nettside kan du lese dei første sidene av "Jakthundene". Og likar du det du les, kan du jo låne boka hos oss på biblioteket ;-)

Uprisen 2013!

No kan du vere med på å bestemme kven som skal vinne Uprisen 2013.

Uprisen er ein pris som vert delt ut til beste ungdomsbok der det er ungdommen sjølv som melder bøkene og bestemmer kven som skal vinne prisen. Det er foreininga !les saman med litteraturfestivalen på Lillehammer som har tatt initiativet til kåringa

 

Alle ungdomar vert oppfordra til å seie si meining om dei norske ungdomsbøkene som kjem ut i inneverande år. Kvart år vert sju/åtte fylker utfordra til å delta med ein skuleklasse. I 2012 var 9. klasse ved Hornindal skule ein av dei klassane som var med å melde bøker.

 

Her er litt av det foreininga !les sjølv seier om prisen:

 

"Alle ungdommer kan registrere seg som anmelder på www.uprisen.no. Bli med og bestem hvem som skal vinne UPrisen 2013!

UPrisen – årets ungdomsbok er den eneste litterære prisen i Norge der ungdommer bestemmer i alle ledd. Nå leser 16 anmelderklasser alt av årets norske ungdomsbøker. De publiserer anmeldelser av bøkene her på www.uprisen.no.

Men man trenger ikke å gå i en anmelderklasse for å anmelde bøker! Du kan enkelt registrere deg, og legge inn anmeldelse av bøkene du har lest. Les mer om hvordan du kan bli anmelder her.

Hver stemme teller i kampen om hvilken bok som skal vinne UPrisen!"

 

Les meir her: www.uprisen.no

 

 

Tips! På heimsida til Uprisen.no ligg det ute mange gode anbefalingar av ungdomsbøker for dei som har lyst til å lese ei god bok.

 

 

Morosam film om piratar!

Stryn bibliotek har fått inn animasjonsfilmen 'Piratene!' (2012), ein morosam film frå skaparane av 'Wallace & Gromit'-filmene og 'Flukten fra hønsegården' (2000).

Animatørane frå selskapet Aardman har satt handlinga i denne filmen til 1800-talet. Hovudpersonen er den ikkje særleg vellukka sjørøvarkapteinen Pirate Captain (engelsk røyst: Hugh Grant, norsk røyst: Håvard Bakke), som har eit stort ønskje om å vinne den årlege prisen for «Beste sjørøvar». Han har prøvd å vinne prisen i over 20 år, uten hell.

Denne konkurransen tek Pirate Captain og mannskapet hans ut på ein lang reise, med stadig fleire forviklingar. Charles Darwin, dronning Victoria, ein spesiell fugl og ein apekatt har alle blitt tildelt viktige roller i forteljinga i filmen.

Det morosame filmmanuskriptet er skreve av Gideon Defoe, og det byggjer på boka 'The Pirates! In an Adventure with Scientists '. Denne filmen og forteljinga er god underhaldning, med mange morosame replikkar og ein vellaga animasjon som ser bra ut.

Håvard Bakke, Per Christian Ellefsen, Trond Fausa Aurvåg, Suzanna Paalgard, Lena Meieran, Espen Beranek Holm og Ivar Nørve har gitt sine røyster til den norske versjonen. Dei engelske røystane er ved Hugh Grant, Marin Freeman, Imelda Staunton, David Tennant, Jeremy Piven, Salma Hayek, Lenny Henry, Brian Blessed, Brendan Gleeson, Russel Tovey, Ashley Jensen, Mike Cooper,  David Schneider, Tom Doggart, Kayvan Novak, Sophie Jerold, David Schaal, Sophie Lauhgton, Ben Whitehead og Peter Lord.

Det er truleg større barn og vaksne med interesse for animasjon som vil ha størst glede av denne filmen. For dei som forstår engelsk, er det best å sjå denne filmen på originalspråket.

(Foto: Aardman Productions/Sony Pictures/Columbia Pictures)

Filmen er 1 t. 27 min. lang. Originaltittelen er 'The Pirates! Band of Misfits'. Dei som lånar denne filmen får òg med seg kortfilmen 'So, You Want to Be a Pirate!?'.

Sjå om filmen er inne

Penger

Forfattar: Erling Røed Larsen

Frå Forlaget:
I "Penger" ønsker professor Erling Røed Larsen både å underholde og undervise. Det er en populærvitenskapelig bok om alt som har med penger å gjøre. Den krever ingen forkunnskaper. Han svarer på spørsmål som:

• Kan Norges Bank bare trykke penger? 
• Er det oljepengene som gjør at norske priser er så høye? 
• Hvordan forvalter du dine sparepenger? 
• Var det penger som skapte finanskrisen - og hvor ble de av? 
• Hvor lenge har mennesket brukt penger? 
• Hvordan fungerte pengesystemet da myntene var laget av gull? 
• Hvordan utvikler valutakurser seg? 
• Hvorfor koster en Big Mac så mye i noen land og så lite i andre land? 
• Hvorfor er det arbeidstimene - og ikke oljepengene - som er Norges lommebok?

Erling Røed Larsen er forfattaren som skriv økonomibøker for deg og meg.  Han er professor i samfunnsøkonomi ved Handelshøyskolen BI, og har mellom anna ein fast spalte i Aftenposten. Han har tidlegare skrive tre bøker som vart veldig populære:  «Alt du vil vite om samfunnsøkonomi – men aldri har våget å spørre om»(2009), «Økonomi på trikken»(2012) og «Finanskrise! Lånefest, boligboble – og dagen derpå» (2009).

Til liks med  Christian Anton Smedshaug si bok «GJELD - hvordan Vesten lurte seg selv» som vi har omtalt tidlegare her på bloggen, er også  «Penger» ei bok som tek føre seg økonomi på ein enkel og lettfatleg måte. Også denne boka går inn for å både underhalde og undervise lesaren.

Pengar er ikkje berre myntane som tyngjer i bukselomma eller blinkar på nettbanken. Det er også politikk og økonomi på nasjonalt og internasjonalt nivå. Dette er vanskelige saker - men mykje lettare å forstå etter å ha lest «Penger» !
Finn boka i websøk

Lån tidsskrift på biblioteket

Stryn bibliotek har ei stor samling med magasin og tidsskrift. Desse kan du låne for ein månad i gongen, med unntak av det nyaste nummeret som det ikkje er utlån på. Vi prøver å ha noko for alle, men vi er alltid opne for nye forslag og tips!

Nokre av magasina de kan finne på biblioteket:

Bonytt

Bryllupsmagasinet

Decormagasinet

Det gode liv

Dine penger

Familien

Foreldre og barn

Fotografi

Gjør det selv

Hagen for alle

Hytteliv

I form

Illustrert vitenskap

Jakt og fiske

Maison interiør

Maison mat og vin

National geographic Norge

Norsk husflid

Norsk militært tidsskrift

Nytt norsk tidsskrift

Strikkemagasin

Symagasin

Time Europe

Vi over 60

I tillegg er desse nye av året:

Autofil (kjem snart)

KK (kjem snart)

Kollektivet (teikneserie)

Levende historie

Dette er dei mest populære tidsskrifta våre, men vi har fleire på biblioteket. Dersom du er nysgjerrig på kva meir vi har, eller har funne deg eit tidsskrift du vil låne er det berre å ta seg ein tur til biblioteket. Då blir vi glade! :) 

Dersom det er eit nytt tidsskrift som de gjerne vil lese så er de veldig velkomne til å ta det med til sofakroken på biblioteket!

Filmanbefaling

Kompani Orheim

(Foto: Motlys/Norsk Filmdistribusjon)

For ikkje så lenge sidan fekk biblioteket inn filmen Kompani Orheim. Denne norske filmen er den tredje filmen om Jarle Klepp og er basert på romanen med same namn av Tore Renberg.

Filmen byrjar med at Jarle Klepp får ein telefon om at faren hans er død. Etter det vert vi tatt med tilbake til Stavanger i 1985 og livshistoria til den unge Jarle Klepp vert rulla opp, tilbake til den tida då han heitte Jarle Orheim. Filmen viser korleis Jarle opplever å ha ein far som slit med alkoholproblem og korleis dette går utover forholdet både mellom foreldra og ikkje minst mellom Jarle og faren. Sjølv om det er dette som er hovudtemaet i filmen så tek filmen også for seg andre tema, som ungdomsforelsking og Jarle Klepp sitt politiske ungdomsengasjement.

Denne filmen er rørande, litt trist, men har òg morsomme augneblink. "Kompani Orheim" er ein film som ein ikkje gløymer med det første. Skodespelarane i denne filmen gjer ein særs god jobb, spesielt Vebjørn Enger i rolla som den unge Jarle, og Kristoffer Joner i rolla som Jarle sin alkoholiserte far. Filmen er òg eit tidsportrett frå 1980-talet, med mange referansar til populærkultur og historiske hendingar.

Under filmfestivalen i Göteborg vart Kompani Orheim kåra til "beste nordiske film". Under den norske Amanda-prisutdelinga fekk Kristoffer Joner prisen for beste mannlege skodespelar og Cecilie Mosli fekk prisen for beste kvinnelege birolle, begge for rollene sine i "Kompani Orheim". I oktober konkurrerar "Kompani Orheim" om filmprisen til Nordisk råd. Dette er altså ein film som er vel verdt å sjå.

Sjå om den er inne her. 

Om du heller vil lese romanen av Tore Renberg eller høyre den på lydbok kan du også gjere dette.

Finn boka og lydboka i websøk.

Kom og høyr forteljinga om Hulda Garborg

Onsdag 3. oktober kl. 18 er Stryn bibliotek så heldige å få besøk av forfattar Arnhild Skre og musikar Gro Marie Svidal. Saman skal dei to fortelje historia om Hulda Garborg. Arnhild Skre gjennom kåseri og lysbilete, og Gro Marie Svidal gjennom å spele tradisjonsmusikk knytt til arbeidet til Hulda Garborg.

Hulda Garborg vart født i 1862 i Stange. Ho vart født på ein storgard, men fekk sjølv ikkje oppleve mykje av storgardslivet. Berre eitt år etter at Hulda Garborg vart født måtte faren selje garden og kort tid etterpå skilde foreldra seg. Det var litt av eit statusfall og Hulda Garborg måtte flytte saman med mora i ein liten hybel på Hamar. I 1875 flytta Hulda og mora til Kristiania og tre år etterpå fekk ho seg sin første jobb, som butikkjomfru i forretninga til Mikkel Dobloug .Gjennom Dobloug kom ho i kontakt med Christiania Arbeidersamfund, og det var i dette miljøet ho mellom anna møtte sin framtidige mann Arne Garborg. Dei gifta seg i 1887 og fekk sonen Arne Olaus saman.

Hulda Garborg var ei driftig og allsidig dame. Ho var forfattar (ho gav ut dikt, romanar, skodespel, artiklar og faktabøker), politikar og danselærar. I tillegg var Hulda Garborg ein aktiv samfunnsdebattant og folkeopplysar. Ho engasjerte seg mot imperialismen og barnarbeid, og var ein pioner innanfor målsak, teaterarbeid, kvinnesak og kosthald. Dei fleste kjenner også namnet Hulda Garborg frå arbeidet med bunadar og folkedansen. Ho kjempa for å få bygdebunadane i bruk igjen og gav nytt liv til folkevisedansen.

Det var Hulda Garborg som starta Det norske spellaget som seinare vart gjort om til Det Norske Teatret med ho sjølv som styreformann. I ein kort tale etter den første framsyninga sa Hulda Garborg mellom anna: «Det er ein draum som har hendt i kveld – at me hev opna eit teater med norsk talemål i Kristiania og er komne fraa det med livet(…)» 

Les meir om Hulda Garborg

Arnhild Skre er historikar av utdanning, men mange kjenner ho kanskje også som journalist i NRK, Aftenposten og Dag og tid. I Dag og tid var ho også den første kvinnelege redaktøren.  Biografien hennar om Hulda Garborg har fått strålande kritikkar, og vann Brage-prisen for beste biografi i 2011. Boka Hulda Garborg - Nasjonal strateg kan du låne på biblioteket. Gro Marie Svidal er frå Jølster, utdanna ved Norges Musikkhøgskole og ved Ole Bull-akademiet på Voss, og har halde mange konsertar både i innland og utland.

Stryn bibliotek sin nettkatalog

Det er kanskje ikkje alle brukarar hos Stryn bibliotek som er klar over at ein kan sitte heime i stova si og reservere bøker?

Ved å logge deg inn på Stryn bibliotek sin søkjekatalog på internett kan du sjå kva bøker biblioteket har, og om dei er tilgjengeleg i hyllene eller utlånt. Du kan sjå kva bøker som er nye på biblioteket, både for barn og unge. Og i tillegg kan du sjå kva bøker som nettopp vart levert inn, eller som er utlånt.

Så dersom du ventar på ei spesiell bok eller ein film så er dette ein lur plass å finne ut om den er komme inn, eller kanskje du vert inspirert til å låne noko nytt? På denne sida ligg også kontaktinformasjon til biblioteket, du kan sjå opningstidene våre og du kan sende oss ei melding om du vil det.

I tillegg til alt dette kan du logge deg inn på «Meg & mitt» for å sjå kva lån du sjølv har på biblioteket. Her kan du også sjå når bøkene dine må leverast inn, fornye dei sjølv og reservere andre bøker. Dersom du nettopp har flytta eller endra telefonnummer i det siste kan du også endre personopplysningane dine. For å gjere dette treng du lånenummeret ditt og eit passord. Lånenummeret står på lånekortet, og dersom du ikkje finn det igjen kan du komme innom oss og få vite kva lånenummeret ditt er. Du kan også bruke e-postadresse dersom den er registrert hos oss. Dersom du ikkje har eit passord kan du få det tilsendt på e-posten din.  

Hugs også at du når som helst kan komme innom biblioteket og spørje oss om desse tinga om du heller vil det. Vi synest det er veldig kjekt med besøk!:)

Link til søkjekatalogen til Stryn bibliotek

Historisk roman om ein sterk kvinnelagnad

Glass og aske

Forfattar: Ann Syrehn Tomasevic

Frå forlaget

Et uforglemmelig portrett av en uvanlig kvinne som overlever tre ekteskap, to verdenskriger, den russiske revolusjonen og det store børskrakket, og som ser fremveksten av et nytt Europa.

Hovudpersonen i boka, Lili, veks opp i det omstridde området Alsace-Lorraine (eller Elsass-Lothringen på tysk). Eit område som har vore tysk og fransk om kvarandre opp gjennom historia, og som har vore årsak til mange konfliktar mellom dei to landa. Oppveksten og bakgrunnen til Lili pregar ho gjennom livet og det er spennande å følgje hennar liv gjennom dei dramatiske hendingane i Europa og Amerika på 1900-talet.

Parallelt med Lili si historie følgjer vi den svenske journalisten Amanda i hennar jakt på kva Lili opplevde. Det er likevel Lili si historie som tek opp klart mest plass i boka, og det er bra, for det er hennar historie som verkeleg gjer at ein har vanskeleg for å leggje denne boka frå seg.

For dei som likar at romanar har eit historisk bakteppe er denne boka å anbefale. Boka er godt skriven, og forfattaren fell aldri for freistinga å overdrive hendingane eller livet til Lili. Forteljinga er sterk nok som den står, og det er tydeleg at forfattaren har brukt mykje tid på å få med seg dei små detaljane om dagleglivet i den historiske tida romanen er lagt til. 

Finn boka i websøk

GJELD - Hvordan Vesten lurte seg selv

Forfattar: Christian Anton Smedshaug

Frå forlaget:

Den økonomiske krisen Vesten er inne i er langt alvorligere enn finanskrisen i 2008, hevder Chr. Anton Smedshaug. Da var det private husholdningers gjeld som var årsaken til krisen, nå er gjeldskrisen nådd et statlig nivå, og pengene som kunne vært nødvendige er langt på vei brukt.

På en lettfattelig måte og med dramatikk som i en thriller fortelles historien om hvordan de vestlige stater havnet i det verste økonomiske uføret siden 1930-årene. I Østen derimot industrialiserte Kina og overtok den produksjon som Vesten avviklet. Hvordan kunne dette skje? Denne boka forklarer hvordan.

Ei god bok for dei som vil lære meir om gjeldskrisa vi er inne i, og på kva måtar den kan ramme oss.  Sjølv om emnet i seg sjølv er makroøkonomi som kan vere særs så avansert og innfløkt, er denne boka skriven på ein enkel og lett måte som gjer boka lettlest og spanande. Så absolutt ikkje ei bok kun for diplomøkonomar!

På ein måte har mange land i vesten gått frå å vere I-land til å bli gjeldstynga «U-land» som lever i ei boble av shopping og tenester til kvarandre. Kina og andre land i Asia stod klare til å produsere, og ikkje minst låne ut dei pengane som måtte til for å finansiere kjøpefesten. Korleis går det når kalaset skal tilbakebetalast, og korleis?

Finn boka i websøk

Bok om 22. juli

Da terroren rammet Norge

Forfattar: Kjetil Stormark


Frå forlaget:
22. juli var et mareritt vi aldri kunne forestilt oss. I ettertid har vi behov for å forstå, og for å vite hvordan man handlet i de dramatiske timene. Ingen steder har dette blitt gjort så oversiktlig og gjennomarbeidet som i Kjetil Stormarks bok. Kjetil Stormark har siden begynnelsen av august jobbet døgnet rundt og snakket med over 100 kilder for å skape en oversikt over det som skjedde de forferdelige timene 22. juli. 


For dei som orkar å lese ei bok om 22. juli så vil eg anbefale denne. Den erfarne journalisten Kjetil Stormark har gjort eit stort og viktig arbeid med denne boka. Det er ei veldig velskriven boka, men den er først og fremst særdeles grundig. Forfattaren har gjort over 120 intervju, i tillegg til dei mange skriftlege kjeldene. Dette syner godt att i boka. Rett nok har forfattaren fått litt hjelp med kjeldearbeidet, men det er likevel eit imponerande stykke arbeid av Kjetil Stormark.

Boka gjev ei veldig god oversikt over det som hendte, på ein måte som aviser og andre media ikkje klarer. Ved å gå kronologisk fram og konsekvent veksle mellom ulike situasjonar som hendte den dagen får lesaren betre sjå samanhengane. Til sist må det seiast at dette er ei veldig sterk bok å lese, og sjølv om språket er nøkternt er hendingane såpass vonde å lese om at det til tider kan vere tøft å bla over til neste side.

Finn boka i websøk

Torbjørn Egner 100 år

I år er det 100 år sidan Torbjørn Egner vart født. Han kom til verda den 12. desember 1912 på Kampen i Oslo, og skulle vekse opp til å bli ein allsidig mann, elska av barn over heile landet.

Torbjørn Egner var utdanna teiknar, men viste etterkvart at han hadde talent på fleire felt enn dette. Han jobba som grafikar, scenograf, dramatikar, visekomponist og ikkje minst som forfattar. Like før krigen, i 1939, kom den første barneboka hans. Den vart like så godt kalla "Barneboken 1940". Snart kom det også fleire barnebøker. Dei mest kjende bøkene blei til etter at han byrja å jobbe med barneprogram i radioen. Både Klatremus og de andre dyrene i Hakkebakkeskogen og Folk og røvere i Kardemomme by byrja som opplesing i radio før dei kom som bøker og teateroppsetninger.

Karius og Baktus

På biblioteket har vi mange av Torbjørn Egner sine bøker, og vi veit at både barnehagar og skular skal jobbe ekstra med bøkene til Torbjørn Egner i år. Vi ønskjer alle velkomne til å komme på biblioteket og låne av samlinga vår.




Les meir om Torbjørn Egner

God barnebok for dei minste

Moi om morgenen

Forfattar: Endre Lund Eriksen (illustrert av Khim Tengesdal)


Frå forlaget:
Moi våkner før alle andre. Hun kan gjøre alt selv. I alle fall nesten....

Langt fra folk og høyt til fjells ligger Dunderly! Et hemmelig sted der monstre kan bråke, leke og ha så mye ludibunder de bare orker! Universet er skapt av Endre Lund Eriksen og Endre Skandfer i samarbeid med GAN Aschehoug.

Moi om morgenen er ei av dei første bøkene om Moi, som er det minste monsteret i Dunderly. Som andre små står Moi opp før alle andre. Moi vil òg gjerne få til alt sjølv, men det er av og til litt vanskeleg. Boka tek for seg lett gjenkjennlege tema for både barn og foreldre, har korte tekstar og veldig morosame illustrasjonar. Moi-bøkene er veldig fine bøker som passar godt for dei minste i huset.

Finn boka i websøk